
Понекогаш највредните луѓе што ги среќаваме на нашиот животен пат не се мерат според функцијата што ја извршувале, туку според човечноста што ја оставаат зад себе. Со голема благодарност и искрена почит, ZemaF e.V. – Центарот на македонските жени во Германија ѝ додели почесна благодарница на г-ѓа Сузана Трајановска по повод завршувањето на нејзината дипломатска служба во Амбасадата на Република Северна Македонија во Берлин. Ова признание е знак на нашата благодарност за нејзиниот особен придонес во развојот и продлабочувањето на соработката со нашето здружение. Почитувана Сузана, од срце Ви благодариме што секогаш бевте отворена, подготвена да помогнете, професионална и срдечна. Ви благодариме за Вашата поддршка, доверба и за многубројните пријатни разговори. Луѓето како Вас оставаат траги што се протегаат многу подалеку од еден дипломатски мандат. На Вашиот понатамошен личен и професионален пат од срце Ви посакуваме здравје, среќа, успех и многу нови предизвици што ќе Ви донесат исполнетост. Убедени сме дека ова не е збогување, туку почеток на едно убаво пријателство и на нови заеднички проекти.
Со срдечни поздрави и од срце – Ви благодариме!


